شباب وبنات

تذكير بمساهمة فاتح الموضوع :

ةالسلام عليكم ورحمه الله وبركاته
انا عندي فكره جديده وحلوه للنقاش بين البنات والشباب وهي اننا هنقسم المنتدي لفريقين فريق بنات وفريق ولاد وكل فريق يوجه اتهمات للفريق التاني يعني الشباب هيقولوا الحاجات اللي بتضايقهم في البنات واحنا علينا الرد والدفاع وهكذا وده حلو عشان نعرف عيوبنا ومميزاتنا ونحاول نبقي احسن
ايه رايكم ياشباااااااااااااااااااااب وبناااااااااااااااااااااااات

طبعا انا بحترم وجهات النظر المقدمه وبشكركم علي المرور واكيد طبعا البنت المحترمه هتفضل محترمه والناس كلها مجبره علي احترامها واكيد بعد الجواز برده بنحس ان كل اللي كنا بنعمله كان مالهوش لزمه

امين يارب العالمين بس بعد تفكير في الحب اللي من 3 اطراف اكتشفت انه ممكن يكون موجود
كل واحد فيكوا يتخيل لو هو كان معجب بواحده بس صاحبه راح قاله انه بيحب نفس البنت بس انت حاسس انها يعني معجبه بيك هتعمل ايه هتقله ولا هتسكت ولا هتبعد عنها عشان صاحبك

طب حط نفسك مكان الاتنين الشباب وقلي هتعمل ايه

اكيد طبعا الصداقه اللي هخترها وزي مانت قلت الحب سهل الواحد يلاقيه اما الصاحب بتلاقيه مره واحده بس

انا بحب اصحابي حب بجد ميتوصفش هما 2 ربنا يخليهم ليا
بالنسبه للمواقف فيه كتير اوي خصوصا اني متسرعه اوي سواء في الرد او الظن بالناس فهما بيلحقوني قبل معمل مصيبه غير كده كمان متحملين عيوبي وعمرهم مزعلوا مني والاهم من ده كله واحده فيهم هي الدكتوره النفسيه ليا فتخيل انت الدور اللي بتقوم بيه من انهم بيفهموني من قبل متكلم
بالنسبه لاهم موقف هو برده الثانويه العامه لاني بعدها كرهت الناس وقلتلهم انا مش عاوزه يكون ليا صحاب وبعت عنهم وقلتلهم اني بكرهم وعلي الرغم من ده كله مزعلوش وفضلوا معايا لحظه بلحظه
انا بنت معقده صح

علي فكره انتوا عمالين توقعوني وخلتوني احكي قصه حياتي
انت بقي يااستاذ اسامه قلي ايه دور الصداقه في حياتك واتكلم عن صحابك ودورهم معاك في الشده

طب لو انت في الموقف ده هتعمل ايه جاوبنا

بص هو رد منطقي بس صدقني مش هتعرف تنفذه لازم واحد من الاتنين

طب وانت مين هو صديقك وايه موقفه معاك

في سؤال انا اتسالته غريب اوي علي منتدي اخر بيقول ايه رايك في الحب اللي علي النت وممكن يدوم ولا لا
فممكن اعرف رايكوا