كرسي الاعتراف

تذكير بمساهمة فاتح الموضوع :

دي فكره لعبه شفتها علي منتدي تاني وحبيت نجربها في بيتنا منتدي الفراعنه الفكره عباره عن اننا هنختار عضو ونستلمه طول الاسبوع وكل واحد يدخل ويسال الضحيه اي سؤال ولازم يتجاوب عليه ياريت اعرف ايه رايكوا في الفكره دي بس بجد فكره جميله وناجحه في منتديات كتير ويلا نختار واحد يكون الضحيه لكرسي الاعتراف

شكرا خالص

شكلك جميل يا اسلام صغير اوي

اهلا بيك يا استاذ احمد في كرسي الاعتراف
اسئلتي هي:
1- الاسم والسن والمهنه والبلد يعني احكنا عن نفسك شويه
2- انا ليه حسيت من مناقشاتك في حوار الشباب والبنات انك عدو الحب يعني مش متفائل
3- انت شخصيه انطوائيه ولا اجتماعيه
دي البدايه لسه فيه اسئله كتير

دي حاجه بسيطه والله انا بس كرماه علشان هو اول مره يشرفنا علي كرسي الاعتراف

ايوه جميله اوووووووووي ماشاء الله عليك زي العسل

ياريت استاذ احمد يرد علي اسئله اللي وجهتها ليك

اجابات كويسه جدا . اليك الاتي
1- الصداقه بين البنت والولد غالبا ماتنقلب لحب ايه رايك في الكلام ده؟
2- في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟
3-اختر منصباً واتخذ أول قرار !؟
4-خبر تتمنى سماعه؟
5-أختر خمسة أعضاء من المنتدى وامنحهم ألقاباً ؟
6-وجه رسالة لشخص لا يعرفه إلا أنت ؟

الصداقة طريق الحب لكنها تظل صداقة ....... فى النهاية
القنبلة لمن لا يرحم امتنا ــ أما الوردة فسوف أعطيها لكل انسان يدرك معنى الحب فى كل وقت
منصب وزير التعليم العالى: دعوة لاصلاح كل طالب وطالبة فى دنيا الحياة التى طغت فيها المادة على كل شىء
وتحكمت فينا الظروف واصبح هم كل طالب : الكلمتين اللى حفظهم يكتبهم فى ورقة الاجابة وفى النهاية ....
الخبر : فوز الزمالك بالدورى والكاس .. أصل بصراحة الاهلى محتكر الدورى من اربع سنين واحنا تعبنا
فيه مجموعة من الاعضاء شايف انهم عندهم حماس للتطوير والتغير:
1ـ اسامة : صديق العمر 2ـ محمد : الكينج
3ـ angel : الزهرة 4ـ اسلام : المستقبل
5ـ محمد احمد: حازم امام
الرسالة : كم تمنيت أن اراكى حتى ولو لحظة واحدة بعد ان تمنيت ان تكونى شريكة حياتى ..... اين انتى فى دنيا الناس

لسه والله مستنى اسئلة كتيررررررررررر

بصراحه انا كنت بقول عليك عاقل اووووووووي بس بعد مقريت الرساله اللي هتبعتها للشخص قلت انك رومانسي موووووت بجد رساله تحفه اشكرك عليها
سؤالي هو ليك
انت بتحب ولا لا ولو بتحب احكنا القصه وايه هي مواصفات شريكه حياتك
اسيبك بقي مع باقي الاعضاء.........

فى الحقيقة انا كنت بحب .........
هتسمعوا وتشوفوا أغرب قصة حب فى التاريخ :
انا كنت طالب فى جامعة حلوان لمدة اربع سنين وكنت دايما باركب المترو وفى
يوم من الايام شوفت بنت فى منتها الادب والجمال والرقة والحنية ... بجد كنت معجب بيها جدا واللى شدنى ليها انها بجد فى غاية الادب انا معرفهاش بس كل ده كان من خلال الانطباع الاول اللى حسيته منها . هيا مكنتش لوحدها كانت مع والدها ووالدتها بصراحة حاولت كتير الفت نظرها بس معرفتش بسبب انها فى منتهى الادب والحرص بس كنتى مستنى اى لحظة وعنيا تيجى فى عنيها .
لاحظت انها الوحيدة من خلال معاملة والدها ووالدتها ليها كان فى مكانين فى المترو والدتها قعدت وهيا كمان قعدت فضل والدها واقف وكان كبير شويه فى السن ناديت عليه وقعد مكانى دعا ليا ربنا يحفظنى وانى انا من بيت كويس .....
الكلام كان كويس جدا معاه انا كنت فى سنة رابعة . هيا البنت منطقتش ولا كلمة بس لاحظت انها دايما بتابع كلامى وانا كنت واخد بالى منها ... احساس غريب جدا .. كأنى أعرف الناس ده من زمان وكأنى اعرف البنت ده كويس جدا وفعلا انا حبيتها
بجنون اتعرفت عليهم ــ وبصراحة من شدة اعجابى بيهم انا منزلتش الجامعة فى اليوم ده وفضلت انى اكمل لحد فين انا مش عارف بس حاسيت انى لازم اعرف الناس ده ساكنه فين وطبيعتهم ايه لانى فكرت فى وقتها انى ارتبط بالانسانة ده مهما كان الثمن ..
بجد كنت ملاحظها وهى خايفة تتكلم معايا خاصة ان والدها مندمج معايا فى الكلام ووالدتها ...ومع قرب انتهاء خط المترو حاولت البنت انها تعرفنى انهم هينزلوا بس للاسف انا مخدتش بالى وفوجئت اهم نازلين انا كنت فى حالة فظيعة مش عارف اعمل ايه ...انزل واكمل وراهم واعرف البيت ولا ان كل اللى كنت فيه مجرد يوم بيعدى ؟ ياترى ده كان حب ولا ايه؟
المهم كان القرار انا لسه فى سنة رابعة ومينفعش غير المستقبل وده اللى لازم افكر فيه ...... وانتهت اغرب قصة حب

اما المواصفات: الطبيعية اللى يتمناها اى انسان الادب والاخلاق والجمال شويه والتعليم :صح:

ادعيلها بقى تكون متفوقه فى دراستها و ترجعلنا بسرعة